kabhii-kabhaar aa jaate ho
aadha sharafat, aadha banaavat liye
mere haathon mein khuli kitaab jaise,
rain basera manane
halka sa, hawa ka aaya jo dakhl
zulf tere, kitaab ki panne bane, aur rukh ke baar baar chale
ungli tale mehsoos karna chaha
rokhna chaha aavaargii unki
par zulf, naa thahrii chehre par, naa aaye mere kabze mein
kareeb rahke, is ghareeb ko tarsathe rahe

nazar bechara, haule haule sa
padna chaha chehra tera
par nazar rukhthi kahaan ek kone par
kaheen se ras pee liya
tho kaheen phalak koyee banake so gayaa
maathe par baarish ke ghane baadal jaise lakeeren dheki
aankhon mein namii saa, sapna koyee nazaraaya
aur phir soch mein pad gaya,
kahin aisa na ho
ke hum dono ke sapne ek hi rukh pe aa khade ho gumsum
ghoor ke dekhta hoon tho,
hum dono ke lab pe hain kuch likha,
humne tho apne lab par ikraar likha,
naa jaane tumne, kya pada aur kya likha,

uff, ab zaroor koyee nayaa bahaana liye
sapna hum donon ka,
ek baar phir, bikhar ke chali jaayegi